Kryetari i Lidhjes Demokratike të Kosovës, Isa Mustafa, përmes një statusi në Facebook ka falënderuar qytetarët që i kanë dhënë besimin kësaj partie në garën e rivotimit për të parin e komunës së Istogut.
Pas numërimit të votave me kusht, me postë dhe atyre me nevoja të veçanta, kandidati i LDK-së Haki Rugova ka dalë fitues për kryetar komune në Istog, përballë kundërkandidatit nga AAK, Gani Dreshaj, me vetëm 14 vota më shumë.
Ja postimi i plotë i Mustafës:
“Lidhja fitoj në Istog, ka marrë më së shumti vota për asambletë komunale, ka më së shumti Komuna që do t’i mirëqeverisë bashkë me qytetarët! Vullneti i qytetarëve përgjegjësi për LDK-në. Përulësisht FALEMINDERIT!”./Kosova Post/
