Suksesi i Turqisë në luftën kundër COVID-19

Avantazhet e mundësuara nga masat e Turqisë të ndëmarra në kohë kundër pandemisë së koronavirusit (COVID-19), reflektuan në shifrat.

Që nga dje, përqindja e rasteve aktive në mbarë botën ishte 58,03 për qind dhe i atyre të shëruarve 33,76 për qind, ndërsa në Turqi ky numër ishte 36,95 gjegjësisht 59,36 për qind.

Sipas informacioneve të përpiluara nga Anadolu Agency (AA), si rezultat i 1.234.724 testeve të bëra që nga 10 marsi, kur Turqia për herë të parë konfirmoi rastin pozitiv, 131.744 persona janë infektuar me COVID-19.

Në këtë periudhë jetën e humbën 3.584 persona, ndërsa 78.202 të tjerë u shëruan.

Nëse merret parasysh numri i testeve të bëra deri më sot, tek 10,6 për qind prej tyre është konfirmuar COVID-19.

Që nga 17 marsi, kur u shënua vdekja e parë nga COVID-19, deri më 6 maj shkalla e vdekjes sipas numrit të rasteve është 2,7 për qind.

Më 19 mars, kur për herë të parë humbën jetën më shumë se një person, shkalla e vdekjes sipas numrit të rasteve ishte 1,2 për qind, ose 1,85 për qind më 11 prill kur u shënua numri më i madh i rasteve.

Numri i rasteve është në rënie

Për të identifikuar rastet pozitive, me arsye të izolimit të tyre nga shoqëria, testi për COVID-19 zbatohet ndaj atyre që kanë simptoma të sëmundjes.

Testimi zhvillohet pa pagesë nëpër spitalet e Ministrisë së Shëndetësisë, si dhe universitetet, spitalet private dhe laboratoritë të cilat janë autorizuar nga ministria.

Informacionet rreth testimeve për herë të parë u bënë të ditur më 19 mars dhe numri ishte 1.981. Ky numër një ditë më pas u rrit në 3.656, pas 10 ditësh 9.982 dhe në fund të marsit arriti në 15.422.

Më 29 prill numri i testeve arriti në 43.498. Në këtë dit, kur më së shumti teste ishin kryer, shkalla e ritjes së rasteve ishte 6,74 për qind.

Deri më tani tek 10,6 për qind prej të testuarve u konfirmua COVID-19. Kjo përqindje më 27 mars isht 27,4 për qind, ndërsa më 1 prill 14,9 për qind, dhe vazhdoi rënien deri më 5 maj kur ishte 5,5 për qind. Në javën e fundit kjo shifër është 5,9 për qind.

Shkalla e numrit të testeve dhe të rasteve është si në vijim:

Shumëfishohet numri i të shëruarve

Ndërkohë, numri i të shëruarve të liruar pasi trajtohen në spitale, çdo ditë po shumëfishohet.

Ministri i Shëndetësisë, Fahrettin Koca më 25 mars, njoftoi se 26 shtetas në mesin e të cilëve edhe dy persona të moshës 60 dhe 65 vjeç janë liruar nga spitali pas shërimit.

Pas kësaj dite sipas të dhënave të publikuara nga ministria, numri i të shëruarve po rritet duke u dyfishuar.

Kjo shifër më 24 prill për herë të parë tejkaloi numrin e rasteve pozitive.

Sipas kësaj 3.122 persona ishin konfirmuar me COVID-19, kursa të njëjtën ditë 3.246 persona ishin liruar nga spitalet.

Ndërsa më 27 prill kur u konfirmuan 2.131 raste, u shëruan 4.651 persona, kështu që për herë të parë numri i të shëruarve dyfishoi numrin e rasteve.

Më 3 maj, numri total i rasteve u shënua 126.045, ndërsa numri total i të shëruarve 63.151. Me këtë, për herë të parë që nga 11 marsi, numri i total i të shëruare tejkaloi, numrin e atyre të konfirmuar.

Numri i të shëruarve sipas datës është si në vijim:

Shkalla e pacientëve të intubuar dhe kujdesit intensiv në rënie

1.278 prej pacientëve me COVID-19 janë duke u trajtuar në kujdesin intensiv, ndërsa 669 të lidhur me respiratorë (të intubuar).

Sipas numrit total të rasteve, në një javë të fundit shkalla e kujdesit intensiv ra nga 1,25 për qind në 0,97 për qind, ndërsa të pacientëve të intubuar nga 0,66 për qind në 0,50 për qind.

Krahasimi i shifrave të Turqisë me ato të botës

Nëse krahasohet numri i rasteve aktive dhe atyre të të shëruarve në botë, shkalla e të shëruarve në Turqi, është më e lartë se shkalla në mbarë botën.

Sipas kësaj, shkalla e rasteve aktive në Turqi, nga 6 maji ka rënë deri në 36,95 për qind, ndërsa i atyre të shëruar u rrit deri në 59,36 për qind.

Nëse merret parasysh numri total i rasteve në të gjithë botën, shkalla e rasteve aktive është 58,03 për qind, si dhe i atyre të shëruar 33,76 për qind.

Në Turqi, nga dje 0,97 për qind e pacientëve me COVID-19 janë në kujdes intensiv, kurse në botë është 1,29 për qind.

Në mbarë botën shkalla e numrit të të vdekurve është 6,91, ndërsa në Turqi 2,7 për qind.