Besimtarët myslimanë kremtojnë sot festën e Fiter Bajramit pas 30 ditëve të agjërimit në muajin e shenjtë të Ramazanit.
Me rastin e kësaj ditë shumë të rëndësishme në kalendarin fetar mysliman, mijëra besimtarë shqiptarë kanë mbushur mëngjesin e ditës së sotme sheshin “Skënderbej”, ku është zhvilluar ceremonia e faljes së namazit.
Ndryshe nga viti i kaluar ku besimtaret nuk dolën në shesh për këtë ceremoni, sivjet morën pjese masivisht.
Ceremonia e Fiter Bajramit filloi me leximin e Kuranit prej imamit të xhamisë së Ethem Beut dhe vazhdoi me ligjërata, faljen e namazit dhe hytbe.
Ceremoni të ngjashme janë zhvilluar edhe në qytete të tjera të vendit tonë.
