Komisioni Evropian (KE) nënshkroi një kontratë të re me kompanitë farmaceutike BioNTech dhe Pfizer për të blerë 1.8 miliardë vaksina, transmeton Anadolu Agency (AA).
BE-ja u dakordua të blinte 900 milionë vaksina kundër COVID-19 për periudhën 2021-2023, me një mundësi për të blerë 900 milionë të tjera nga kompanitë farmaceutike, tha KE-ja në një njoftim.
Kontrata gjithashtu siguron që prodhuesit të japin vaksina efektive kundër varianteve të reja të koronavirusit.
Më herët këtë muaj, presidentja e KE-së, Ursula von der Leyen tha se kontrata e re me BioNTech dhe Pfizer ka për qëllim sigurimin e vaksinave përforcuese për të rriturit dhe vaksina për të miturit.
Marrëveshja lejon vendet anëtare të BE-së të shesin ose të dhurojnë vaksinat.
BioNTech/Pfizer u zotua të shpërndajë gjithsej 600 milionë doza vaksinash në bllok këtë vit.
Deri më tani, 200 milionë të doza janë dhënë në BE, e cila ka një popullsi prej 450 milionë banorësh.
Blloku synon vaksinimin e 70 për qind të popullsisë së rritur deri në korrik.
