Policia e Shtetit është përfshirë në një skandal të brendshëm pas vrasjes së Everest Çakës.
Burime bëjnë me dije se Shërbimi për Çështjet e Brendshme dhe Ankesat ka nisur një hetim të thelluar për policinë e Elbasanit.
Konkretisht dyshohet se natën që ndodhi ngjarja, patrulla e policisë vonoi me qëllim shkuarjen në vendngjarje, dhe i njëjti hezitim është verifikuar se ka ndodhur edhe me ngritjen e pikave të kontrollit pas vrasjes, për tu bërë e mundur kapja e autorëve.
Më 11 maj 2021, në Lagjen Skënderbej në Elbasan, disa persona të paidentifikuar ende kanë qëlluar me armë zjarri për vdekje Everest Çakën.
Ai ndodhej me bashkëshorten brenda mjetit tip “Opel”.
Ai u qëllua me 15 plumba dhe gjeti vdekjen.
41-vjeçari ishte një emër i njohur për policinë, pasi edhe i vëllai i është vrarë vite më parë.
Vrasja e tij dyshohet se është urdhëruar nga një grup kriminal shqiptar që operon nga Dubai.
