Kryetari i Lëvizjes Vetëvendosje Albin Kurti dhe kryetari i Grupit Parlamentar të Lëvizjes Vetëvendosje, Glauk Konjufca, kanë takuar sot shefen e Zyrës së BE-së në Kosovë, Natalija Apostolova.
Përmes një njoftimi nga Vetëvendosje, u bë e ditur se në këtë takim u diskutua për zhvillimet politike në institucionet e Kosovës, për gjendjen socio-ekonomike në vend dhe për sfidat e shtetndërtimit dhe integrimit.
Ja postimi i plotë:
“Sot, në Prishtinë, kryetari i Lëvizjes VETËVENDOSJE!, Albin Kurti, dhe kryetari i Grupit Parlamentar të Lëvizjes VETËVENDOSJE!, Glauk Konjufca, takuan shefen e Zyres së BE-së në Kosovë, znj. Natalija Apostolova.
Në këtë takim u diskutua për zhvillimet politike në institucionet e Kosovës, për gjendjen socio-ekonomike në vend dhe për sfidat e shtetndërtimit dhe integrimit. Kurti dhe Konjufca shprehën qëndrimet e VETËVENDOSJE!-s për shtet të së drejtës dhe vizion ekonomik të përqendruar në punësim. Të dy palët u pajtuan për rëndësinë e reformave për integrimin e Kosovës në BE gjë që do të rriste si rregullsinë dhe ligjëshmërinë, po ashtu edhe bashkëpunimin ekonomik e shoqëror” thuhet në komunikatë./Kosova Post/
