Shqiptarët përkujtojnë sot 555-vjetorin e vdekjes së Heroit Kombëtar Gjergj Kastriot Skënderbeu.
Në këtë ditë edhe bashkia e Tiranës organizoi homazhe në nder të figurës së Skënderbeut.
Kryetari i bashkisë Tiranë, Erion Veliaj ka vendosur një kurorë me lule në nderim të heroit tonë kombëtar Gjergj Kastriot Skënderbeut, pranë memorialit të tij në sheshin “Skënderbej”.
“Në 555-vjetorin e vdekjes, nderojmë Heroin Kombëtar, Gjergj Kastrioti SKËNDERBEU! Përulemi me respekt para veprës së tij!”, shkruan Veliaj në rrjete sociale.
Pasi mbrojti lirinë e popullit dhe kombit shqiptar për 25 vjet me radhë Gjergj Kastrioti Skënderbeu vuri themelet e shtetit shqiptar në Kuvendin e Lezhës.
Ai vdiq në moshën 63-vjeçare më 17 Janar 1468 në Lezhë.