Një shpërthim në një anije mallrash la të vdekur një person dhe plagosi një tjetër afër provincës Sinop në rajonin e Detit të Zi në Turqi.
Sipas informacioneve të siguruara nga AA, shpërthimi ndodhi për shkak të presionit të gazit në repartin e kazanëve të anijes, e cila ishte ankoruar 15 milje larg brigjeve të Sinopit.
Mumtaz Amca, anija me flamur të Liberisë, u soll katër milje larg bregut të Sinopit pas shpërthimit.
Si pasojë e shpërthimit, jetën humbi Kazim Sucu, anëtar i ekuipazhit.
Anëtari tjetër i ekuipazhit, Ragip Yanak, i cili pësoi plagë, u shpëtua nga një anije detare policore dhe është dërguar në një spital shtetëror.
Drejtoria për Menaxhimin e Fatkeqësive dhe Emergjencave (AFAD), zjarrfikësit dhe ekipet policore janë të pranishme në breg në kuadër të aktiviteteve të shpëtimit./Rtv islam/
