Ish-presidenti amerikan Donald Trump ka bërë daljen e tij të parë publike që pas atentatit, duke u paraqitur në Konventën Kombëtare Republikane me një fashë mbi veshin e djathtë.
Trump, i cili u konfirmua si kandidati presidencial republikan dje në mëngjes, hyri në konventë me ovacione të vazhdueshme.
Më pas ai pozoi në skenë me kandidatin e tij për zëvendëspresident, JD Vance.
Kjo ishte paraqitja e parë publike e Trump që nga ngjarja e fushatës në Pensilvani të shtunën, ku një sulmues qëlloi në drejtim të Trump, duke shkaktuar panik në audiencë.
