Zëvendësministri i Drejtësisë, Klajd Karameta priti sot në një takim një delegacion prej 35 gjyqtarësh dhe prokurorësh nga Landi Nordrhein-Westfallen i Gjermanisë.
Gjyqtarët dhe prokurorët gjermanë ndodhen në vendin tonë në kuadër të një vizite studimore.
Gjatë këtij takimi u prezantua rruga e reformave në sistemin tonë të drejtësisë, si dhe sfidat e përballuara në dekadën e fundit.
Diskutimet u fokusuan në ngjashmëritë dhe dallimet mes dy sistemeve, me synim shkëmbimin e përvojave dhe njohurive.
“Shqipëria vijon të forcojë urat e komunikimit dhe bashkëpunimit me profesionistët evropianë të ligjit, duke synuar integrimin e plotë në familjen evropiane”, thuhet në njoftimin për shtyp të Ministrisë së Drejtësisë.
