Prokuroria Speciale në Kosovë i ka dërguar një kërkesë Gjykatës së Prishtinës që të urdhërojë Kryeministrin Albin Kurti të paraqitet për t’u marrë në pyetje.
Kjo kërkesë vjen pas disa refuzimesh nga ana e Kurtit për t’u paraqitur në Prokurorinë Speciale që të pyetej si dëshmitar.
Madje, ai kishte ftuar prokurorët në zyrën e tij që të shkonin dhe ta pyesnin aty, gjë që nuk ndodhi.
“Unë guxoj t’ju them s’po vij, të shohim tani a guxojnë ata të vijnë”, tha Kurti disa javë më parë.
Dy prokurorët specialë, Valdet Gashi dhe Milot Krasniqi, e kanë thirrur Kryeministrin Kurti për të dëshmuar për hetimet e nisura lidhur me abuzimet për çështjen e Rezervave Shtetërore të Ministrisë së Industrisë dhe Tregtisë.
