Kryetari i Sindikatës së Bashkuar të Arsimit, Shkencës dhe Kulturës e Kosovës, Rrahman Jashari ka thënë se mësimi do të fillojë në kohë, më 3 shtator dhe nuk do të ketë protesta.
Mësimi, sipas Jasharit, do të fillojë me 3 shtator, pra mësimdhënësit nuk do të kenë grevë, në mënyrë që puna të fillojë mbarë. “Ne do të presim nga institucionet tona që ti plotësojnë kërkesat legjitime të mësimdhënësve”, tha Jashari për RTK-në.
Ai shtoi se, SBASHK-u është zëri i mësimdhënësve dhe atyre u takon të vendosin për atë nëse do të shkojnë në grevë, nëse kërkesat e tyre legjitime, për pranimin e stazhit për vitet 90-ta dhe ligji i për nivelizimin e pagave, nuk miratohen sipas kërkesave të tyre, të bëra më parë, e me çka parimisht ështëpajtuar edhe kryeministri Ramush Haradinaj.
Jazhari shtoi se, projektligji për stazhin e mësimdhënësve për vitet 90-ta, ka përkrahjen e qeverisë, por ende ligji nuk është miratuar në Kuvendin e Kosovës
“Kërkojmë që koificenti i mësimdhënësve në shkollën fillore të jetë 2.5, kurse në shkollën e mesme 2.7. Njëherit kërkojmë gjithashtu kushtet në shkolla të përmirësohen, laboratorët të kompletohen”, tha Jashari.
Sipas tij, nëse këto kërkesa nuk realizohen, nuk mbetet tjetër përveç grevës, por atë nuk do ta paralajmëronë tash, do të presin që pas kthimit të deputetëve nga pushimet ata ti shqyrtojnë dhe ti miratojnë këto ligje, pra kërkesat e punonjësve të arsimit.
Jashari apelon të institucionet e Kosovës që mos të i shtynë mësimdhënësit të ndërmarrin masa tjera, grevë të cilën as punëtorët e arsimit nuk e duan të ndodhë./Kosova Post/
