Administrata Trump ka finalizuar planet e saj për të shfrytëzuar qindra mijëra hektarë tokë në Kaliforninë Qendrore për nxjerrjen e naftës dhe gazit, duke i hapur rrugën një procesi të shpejtë të shpimit në shtet.
“Byroja e Menaxhimit të Tokës (BLM) miratoi planin e eksplorimit të naftës dhe gazit bazuar në qëllimin e administratës për forcimin dhe pavarësinë energjetike dhe mbështetjen e BLM-së për një plan të gjithanshëm të energjisë që përfshin naftën dhe gazin në themel të tokave publike të Amerikë”, sipas vendimit të njoftuar të premten.
Në agjenci u paraqitën më shumë se 400 kundërshtime për planin e propozuar gjatë një periudhe 30-ditore protestash, sipas raportit të përfundimtar. Zyrtarët e BLM-së vendosën që asnjë prej tyre nuk ishte i vlefshëm.
Sipas vendimit, procesi i nxjerrjes së naftës dhe gazit mund të ecë përpara në më shumë se 700 mijë hektarë tokë publike dhe pasuri minerale në Alameda, Contra Costa, Fresno, Merced, Monterey, San Benito, San Joaquin, San Mateo, Santa Clara, Santa Cruz dhe Qarqet e Stanislaus./ATSH
