Kryeministri Edi Rama i ka shprehur mirëseardhjen shtetasve të parë afganë, të cilët mbërritën në orët e para të mëngjesit të sotëm në aeroportin e Rinasit. Në një postim në facebook, Rama shprehet se në Rinas kanë mbërritur 121 fëmijë, gra dhe burra nga Afganistani fatkeq dhe tashmë shtëpia e shqiptarit, e cila është e Zotit dhe e mikut, tashmë është dhe e tyre.
MIRËMËNGJES PA U GDHIRË
dhe me këtë episod live mikpritjeje shqiptare, që na kujton kush ishim dikur e na bën nder si vend e si popull, që krenohemi me traditën jo veç me fjalë, ju uroj një ditë të mbarë të gjithëve, duke i uruar së bashku me të gjithë ju mirëseadhjen, në tokën ku ligji i të parëve thotë se shtëpia e shqiptarit është e Zotit dhe e mikut, edhe 121 fëmijëve, grave e burrave nga Afganistani fatkeq, të cilët braktisën shtëpinë e tokën e tyre, për të shpëtuar jetën.
