Të paktën 4 persona e kanë humbur jetën ndërsa 620 të tjerë janë plagosur si pasojë e një aksidenti hekurudhor në Republikën e Afrikës së Jugut.
Sipas lajmeve në mediat lokale, si pasojë e përplasjes së dy trenave në afërsi të kryeqytetit Pretoria, kanë humbur jetën 4 persona.
Në aksident janë plagosur gjithsej 620 persona nga të cilët një në gjendje të rëndë.
Lillian Mofokeng, punonjëse e hekurudhave, tha se dy trenat kanë qenë duke lëvizur në linjën e njëjtë, prandaj ka ndodhur aksidenti.
Udhëtimet me trena në rajon janë anuluar deri në një njoftim tjetër.