Ambasadori i Zvicrës në Shqipëri, Christoph Graf, është nderuar me titullin “Qytetar Nderi i Beratit”.
Me votat unanime të këshillit bashkiak Berat, Graf është vlerësuar me motivacionin: “Për kontributin e çmuar dhe rolin aktiv në mbështetjen e projekteve të zhvillimit për qytetin e Beratit, duke forcuar lidhjet e miqësisë nëpërmjet Zvicrës dhe Shqipërisë”.
Ambasadori Graf deklaroi edhe nisjen e 2 projekteve të tjera të rëndësishme që do financohen nga qeveria zviceriane në Berat.
Projekti i parë eshtë ai i menaxhimit të integruar të mbetjeve urbane që do t’ju shërbejë rreth 230 mijë banorëve të rajonit ndersa projekti i dytë ka të bëjë me rehabilitimin e rrjetit të Ujësjellës-Kanalizimeve që do të përmirësojë shpërndarjen e ujit 24-orë pa ndërprerje në qytetet e Beratit dhe Kuçovës./Top Channel/
