Ambasadorja e Republikës së Turqisë në Kosovë, Kivilcim Kiliç, sot ka vizituar Universitetin “Ukshin Hoti” në Prizren, ku është pritur nga Rektori Ramë Vataj dhe stafi menaxhues.
Rektori Vataj e njoftoi ambasadoren turke me të arriturat dhe zhvillimet në Universitetin e Prizrenit.
Ai theksoi se ekziston bashkëpunim mjaftë përmbajtjesor mes Universitetit të Prizrenit dhe universiteteve turke, ku me 30 prej tyre kemi bashkëpunim.
Ndër frytet e bashkëpunimit, ai potencoi se janë konferencat e shumta shkencore që i kemi organizuar së bashku. Rektori Vataj u shpreh falënderues për mbështetjen e shtetit turk për universitetin, por edhe për shtetin e Kosovës në përgjithësi, duke vënë në spikamë rolin e ambasadës turke në këtë kuadër.
Ambasadorja Turke znj. Kivilcim Kiliç, e falënderoi rektorin Vataj për pritjen miqësore dhe u shpreh e fascinuar dhe sukseset e arritura në UPZ sidomos gjatë mandatit të tij menaxhues.
Kiliç theksoi se kur i takon, krenohet me nivelin e studentëve të UPZ-së, që pa dyshim se është meritë e gjithë stafit por edhe një menaxhmenti cilësor.
Në veçanti ambasadorja turke e falënderoi rektorin Vataj për mbështetjen e degëve në gjuhën turke. Ajo ofroi mbështetjen e plotë të ambasadës kurdo që kërkohet në çdo aspekt.
Me këtë rast, rektori Vataj ia dorëzoi ambasadores turke mirënjohjen për kontributin e shtetit turkë në zhvillimin e deritashëm të Universitetit “Ukshin Hoti” në Prizren, për të cilën gjë ambasadorja turke u nda shumë e kënaqur./Kosova Post/
