Autoriteti Rrugor Shqiptar bëri të ditur se, në vijim të punimeve për ndërtimin e segmentit rrugor të rrugëve lidhëse të Tuneli i Llogorasë, sot në orën 11:30 do të kryhet një shpërthim i kontrolluar me sasi të vogla eksplozivi.
Sipas ARRSH-së, shpërthimi do të realizohet rreth 1 kilometër nga dalja e tunelit, në drejtim të zonës së Palasës, në funksion të hapjes së trasesë së rrugës. Procesi do të zhvillohet pa penguar qarkullimin e mjeteve.
Punimet janë koordinuar me Policinë e Shtetit, me qëllim menaxhimin dhe garantimin e sigurisë së trafikut gjatë zhvillimit të këtij operacioni.
Autoriteti Rrugor Shqiptar siguron se çdo veprim po kryhet në përputhje me standardet e sigurisë.
