Instituti Kombëtar i Shëndetësisë Publike ka njoftuar se në 24 orët e fundit janë regjistruar nëntë raste të reja me COVID-19 ndërsa nuk është shënuar asnjë viktimë.
Ndërkohë, janë shëruar 14 qytetarë ndërsa në total numri i rasteve aktive është 179.
Njoftimi i IKSHPK:
Nga 1.694 testime, 9 qytetarë kanë rezultuar pozitiv me virusin COVID-19. Gjatë 24 orëve të fundit, nuk është shënuar asnjë rast i vdekjes. Sot janë shëruar 14 qytetarë, derisa numri i përgjithshëm i të shëruarve është 105.200.
