Një ngjarje e rëndë ka ndodhur në Manisa të Turqisë këtë të premte.
Një autobus i mbushur plot me pasagjerë është përplasur me një kamion.
Për pasojë 6 persona kanë humbur jetën dhe 37 të tjerë janë plagosur.
Autobusi ka qenë duke udhëtuar në autostradën Stamboll-Izmir dhe e ka goditur kamionin ndërkohë që ky i fundit po qëndronte në korsinë e djathtë.
Viktimat ndërruan jetë menjëherë në vendin e ngjarjes ndersa 37 të plagosurit janë dërguar në spital.
Në momentin e ngjarjes në autobus ndodheshin 50 persona, 3 prej të cilëve ishin punonjës.