Shkruan: Abdullah Klinaku
Para 28 vitesh, me 3 tetor 1990, u bashkua Gjermania lindore dhe ajo perëndimore zyrtarisht, pas rënies së murit të Berlinit.
Ishte koha kur nisi të rrënohej sistemi i cili ndërtonte mure, pengesa e ndasi. Ishte rrënimi i komunizmit i cili kishte vu pengesa midis kombeve, popujve e shteteve. Madje përpjekej të vendoste pengesa midis njerëzimit dhe Zotit, duke e rrënuar besimin ndërmjet njerëzve dhe besimin e njerëzve te Zoti.
U rrënua për të mos u kthyer kurrë, inshaAllah!
Muri i ndarjes së Berlinit u rrëzua dhe kombi gjerman u bashkua. Por muri i ndarjes midis kombit shqiptar akoma nuk është rrënuar.
Muri ndarës midis kombit tonë u ndërtua jo me beton e tulla por u ngrit nga enverizmi, u imponua nga sllavizmi dhe u ushqye nga politikat aktuale të dobëta, servile e jo kombëtare.
Ashtu sikurse pas 28 vitesh Gjermania e bashkuar është promotor i zhvillimit të Unionit ashtu edhe pas pak kohe do të dëshmohet se bashkimi i kombit tonë është e mira, paqja dhe zhvillimi i Ballkanit.
