Bllokohet kalimi i mjeteve në hyrje-daljet në pikën kufitare të Kakavijës për një ditë, punonjësit e doganës greke nesër në grevë

Mos i humb

Punonjësit e doganës greke në Kakavijë do të zhvillojnë ditën e nesërme një grevë urie. Sipas një njoftimi nga Drejtoria Vendore e Kufirit dhe Migracionit Gjirokastër mësohet se puna do të pezullohet nga nesër 07:00 deri në 25 nëntor.

Po ashtu bëhet e ditur se në hyrje-daljet e doganës greke nuk do lejohet kalimi i automjeteve

NJOFTIMI I DREJTORISE VENDORE TE KUFIRIT
Autoritetet e Policisë greke, në bazë të një njoftimi zyrtar që i kanë dërguar Policisë Kufitare Kakavije, sqarojnë se për shkak të grevës që do të zhvillohet nga punonjësit e doganës greke, do të ketë një ndërprerje të punës, duke filluar nga dita e nesërme, datë 24 nëntor, ora lokale greke 07:00 deri në orën 07:00 të datës 25 nëntor. Sqarojmë se gjatë këtij harku kohor, si në hyrje dhe në dalje të doganës greke, nuk do të lejohet kalimi i automjeteve si motoçikleta, autovetura, furgonë që transportojnë qytetarë dhe kamionët që transportojnë mallra.

Përjashtim do të ketë vetëm për udhëtarët këmbësorë, kamionët që transportojnë mallra ushqimore që ruhen në kushte frigoriferike, kamionët që transportojnë kafshët e gjalla dhe automjetet për raste emergjente shëndetësore apo raste vdekjesh. Policia Kufitare e Kakavije iu bën thirrje të gjithë qytetarëve që duan të udhëtojnë drejt Greqisë, që gjatë këtij harku kohor, të shmangin udhëtimin në drejtim të kësaj pike kalimi.
Duke ju falënderuar për bashkëpunimin.

- ISLAMSHOP.CH -
- ISLAMSHOP.CH -

Të fundit