Kryeministri britanik Rishi Sunak pritet të emërojë një minister të ri të Mbrojtjes, pasi Ben Wallace dha zyrtarisht dorëheqjen e tij, pas katër vitesh në detyrë.
Në një letër drejtuar Sunak, Wallace tha se “Ministria e Mbrojtjes është kthyer në rrugën e duhur për të qenë edhe një herë klas botëror me njerëz të klasit botëror”.
“Britania e Madhe është e respektuar në mbarë botën për forcat tona të armatosura dhe ky respekt është rritur edhe më shumë që pas luftës në Ukrainë”, tha Wallace.
Wallace njoftoi muajin e kaluar se do të jepte dorëheqjen nga roli i lartë i kabinetit në riorganizimin e ardhshëm, duke i dhënë fund katër viteve të tij në detyrë.
Wallace, i cili shërbeu në këtë pozicion nën drejtimin e tre kryeministrave, luajti një rol kyç në përgjigjen e Britanisë së Madhe ndaj pushtimit rus të Ukrainës dhe ishte një aleat i ngushtë i Boris Johnson.
Ministri i Forcave të Armatosura James Heappey dhe shefi i Thesarit, John Glen janë propozuar si zëvendësuesit e tij të mundshëm