Pas Kretës, Ditmir Bushati dhe Nikos Kotzias nisin sot në Korçë raundin e dytë të bisedimeve për zgjidhjen e problemeve të hapura mes Shqiperise dhe Greqisë. Bisedimet është parashikuar të zgjasin 3 ditë.
Ndërkohë Greqia është shumë afër edhe marrëveshjes historike për çështjen e emrit të Maqedonisë. Negociatat intensive i kanë përafruar palët mes 3 varianteve më të mundshme nga pritet që të vijë edhe zgjidhja e pranueshme nga të gjithë. Çdo propozim që është në tryezë ka brenda edhe fjalën “Maqedoni”./Top Channel/
