Ministri i Jashtëm i Serbisë, Ivica Daçiç deklaroi sot se edhe një vend tjetër do të tërheqë njohjen e pavarësisë së Kosovës dhe se këtë do ta konfirmojë sot zyrtarisht.
“Ky do të jetë shteti i dhjetë që tërheq njohjen e pavarësisë së Kosovës. Le të thonë se ato janë dofarë “vendesh pa lidhje”, por unë them – ato janë dhjetë vota ndër 193 shtete anëtare të Kombeve të Bashkuara”, citon Daçiçin.
Ai tha se Serbia do të vazhdojë të lobojë kundër pranimit të Kosovës në Interpol.
Ministria e Jashtme e Kosovës ka mohuar që ndonjë shtet të ketë tërhequr njohjen e pavarësisë së Kosovës dhe ka denoncuar Serbinë në bashkësinë ndërkombëtare për politika arrogante ndaj Kosovës./Kosova Post/
