Dhjetëra shkolla profesionale në Turqi i kanë bashkuar forcat dhe kanë filluar prodhimin e artikujve themelorë për të luftuar pandeminë e koronavirusit të ri (COVID-19), duke u bërë një nga aktorët më të rëndësishëm në vend pasi epidemia vazhdon të përhapet dhe të marrë jetë.
Në artikullin e shkruar nga Zëvendësministri turk i Arsimit, Mahmut Ozer, të botuar dje, theksohet roli i shkollave profesionale turke në epideminë dhe mobilizimin e tyre në të gjitha kapacitetet për të përmbushur nevojat e shoqërisë dhe për të mbështetur punonjësit e shëndetësisë.
“Shkollimi dhe trajnimi profesional janë thelbësore për mirëqenien e Turqisë në këtë kohë të pandemisë së koronavirusit. Me rritjen e kapacitetit prodhues, shkollat profesionale janë bërë një nga furnizuesit kryesorë të shoqërisë këto ditë”, thuhet në artikull.
Duke theksuar se maskat mjekësore janë bërë pajisja më e nevojshme që nga fillimi i pandemisë, Zv.ministri Ozer theksoi se dhjetëra shkolla kanë prodhuar një milion maska në një periudhë të shkurtër kohore, që tani të arrijnë një kapacitet prej 10 milionë maska në muaj, përfshirë këtu edhe respiratorët N95 (maska filtri dhe respiratorë) të bëra sipas standardeve.
Ozer theksoi se shkollat e mesme janë përqendruar gjithashtu në prodhimin e mjeteve higjienike, mjeteve për pastrim dhe dezinfektim dhe se shkollat kanë kapacitetin për të përmbushur të gjitha nevojat e pastrimit për pothuajse 54.000 shkolla në të gjithë vendin.
Duke pasur parasysh faktin se mjetet njëpërdorimëshe tani kërkohen më shumë se kurrë si pasojë e COVID-19, sëmundja e shkaktuar nga koronavirusi, shkollat profesionale pajisen me mjetet e nevojshme për prodhimin e tyre. Ato gjithashtu mund të prodhojnë produkte të tilla si veshje njëpërdorimëshe, veçanërisht për profesionistët e kujdesit shëndetësor si dhe pirunët dhe thikat njëpërdorimëshe.
Me ndihmën e printerëve 3D, shkollat gjithashtu bëjnë prodhim masive për mbrojtëse të fytyrës, deri në gjysmë milioni prej tyre në muaj.
Më tej në artikull thuhet se inxhinierët krijuan një pajisje për prodhimin automatik të dhjetëra mijëra maskave kirurgjikale në ditë dhe se këto pajisje do të shpërndahen në shkollat profesionale në mënyrë që të intensifikojnë prodhimin e maskave.
Duke theksuar se maskat N-95 nuk ishin aq të disponueshme, artikulli thotë se Ministria Turke e Arsimit filloi aktivitetet në përpunimin e aparatit për prodhimin e maskave të tilla.
“Maskat N-95 janë shumë të vogla ose nuk janë të disponueshme. Për këtë qëllim, Ministria e Arsimit Kombëtar ka filluar hulumtimin dhe zhvillimin e prodhimit të makinave për këtë qëllim. Procesi i zhvillimit po vazhdon me sukses dhe aparati i parë pritet të jetë gati në prill të vitit 2020”, tha Ozer.
“Shkollimi profesional dhe trajnimi janë bërë burim i rëndësishëm në prodhimin e produkteve më të kërkuara në kohë krize”, thuhet në artikull, duke shtuar se këto përpjekje, të ndjekura nga aftësitë e studentëve dhe mësuesve nga shkollat profesionale, kanë potencialin për të përmbushur nevojat e shoqërisë.
Turqia ka më shumë se 82.000 raste të konfirmuara të koronavirusit të ri (COVID-19) deri më tani ndërsa numri i vdekjeve është rritur në 1.890 me afro 10.500 persona të shëruar plotësisht nga sëmundja. Turqia ka kryer gati 600.000 teste për virusin.
Si pjesë e masave për të luftuar koronavirusin në Turqi, shkollat janë mbyllur, por arsimi vazhdon përmes mësimit në distancë.
Koronavirusi i ri u shfaq për herë të parë në Kinë, dhjetorin e kaluar dhe është përhapur në të gjithë botën. SHBA-të dhe Evropa janë goditur më së shumti nga COVID-19 deri më tani.
Deri më tani, pandemia ka marrë më shumë se 160.000 jetë njerëzish me më shumë se 2.3 milionë njerëz të infektuar ndërsa më shumë se 600.000 janë shëruar, tregojnë të dhënat nga Universiteti “Johns Hopkins” në SHBA.
