Disa persona janë plagosur dhe vrarë në qytetin port ukrainas të Odesas gjatë sulmeve të natës me dronë rusë, tha sot ushtria ukrainase.
”Mbetjet e një droni sulmues rus të rrëzuar nga mbrojtja ajrore u përplasën në një ndërtesë shumëkatëshe dhe ndezën një zjarr”, shkroi komanda operacionale jugore e ushtrisë ukrainase në Facebook.
Tre civilë u vranë dhe 26 persona të tjerë u plagosën.
Forca ajrore ukrainase theksoi se Rusia kishte drejtuar 35 dronë dhe tetë raketa në objektivat në Ukrainë.
Njëzet dronë iranianë ”Shahed” dhe dy raketa balistike u rrëzuan.
Përveç Odesës, sulmet ruse u drejtuan edhe kundër objektivave në rajonin e Poltava dhe në Kharkiv.
