Tre skafistët të cilët u kapën duke transportuar 577 kg drogë me gomone drejt Italisë kanë dalë sot para gjykatës së Vlorës.
Kjo e fundit ka caktuar ndaj tyre masën e arrestit me burg për 40 ditë.
Të arrestuarit për këtë çështje janë shtetasit Mandi Begaj, 43 vjeç, Herman Muçaj, 27 vjeç dhe Ëngjëllush Mukaj, 34 vjeç.
Ishin forcat e Delta Forcë në Radhimë ata të cilët pikasën dhe u vunu menjëherë në ndjekje të gomones.
Ndjekja nga deti dhe toka zgjati disa orë.
Në vendin e quajtur “Gjiri i Dafinës”, pranë Karaburunit, personat që ishin në bord, në pamundësi për t’i shpëtuar ndjekjes së Policisë, tentuan të braktisnin mjetin lundrues dhe të largoheshin, por u kapën dhe u prangosën gjatë ndjekjes nga Policia.
Droga prej 577 kg u gjet në gomone e gjatë 9 m, një pjesë në formë çokollate, rreth 200 kg.
