Transmeton Buhariu (974) nga Aishja radijAllahu anha se i Dërguari i Allahut sal-lAllahu alejhi ue sel-lem kur shihte shiun thoshte:
اللَّهُمَّ صَيبِّاً نافعًا
“Allahumme sajjiben nafian – O Allah! Bëje shi të dobishëm!”
Përderisa shiu ndodh të jetë i dobishëm ose i dëmshëm, ishte prej traditës së Profetit sal-lAllahu alejhi ue sel-lem se kur shihte shiun i lutej Allahut të Lartësuar që ta bënte atë (shiun) të dobishëm dhe jo të dëmshëm.
Dobitë që përfitohen nga hadithi:
E para: Pëlqyeshmëria e bërjes së kësaj lutjeje kur bie shi’.
E dyta: Vetëm njerëzit e prishur nuk u frikësohen të papriturave të Allahut.
E treta: Kujdesi i Profetit sal-lAllahu alejhi ue sel-lem në mësimin e umetit të tij dhe kujdesi i tij sal-lAllahu alejhi ue sel-lem për ta.
E katërta: Shiu mund të jetë i dobishëm kur është mëshirë nga Allahu i Madhëruar dhe i dëmshëm kur është dënim.
E pesta: Sa herë që shtohet dhe forcohet besimi i njeriut, atij i shtohet dhe frika ndaj Allahut të Lartësuar.
Unejs Sheme