Prej dy ditësh, gjendja mjedisore në qytetin bregdetar të Durrësit paraqitet mjaft e rënduar, pasi mbetjet urbane nuk janë mbledhur nga mjetet e ndërmarrjes së pastrimit të bashkisë. Shkak është mungesa e një landfilli (vendgrumbullimi)
Qytetarët janë të shqetësuar nga gjendja e krijuar dhe rreziku i kthimit të mbetjeve, që kanë pushtuar trotuaret, në vatra infeksioni.
“Kanë dy ditë që nuk i heq njeri dhe kundërmojnë erë. Është bërë shumë problem dhe këtu është qendra e Durrësit.
Imagjino çfarë ndodh në lagjet e tjera. Duhet të merret një vendim sa më shpejt pasi nuk mund të jetohet kështu. Është e papranueshme.”
Pamundësia për t’i depozituar diku mbetjet urbane po shkakton një tjetër ndotje mjedisore në të gjitha lagjet e qytetit, ndërsa Bashkia deklaron se është në pritje të mbështetjes nga qeveria për zgjidhjen e këtij problemi tejet kritik, që rikthen situatën e emergjencës mjedisore në Durrës.
