Kur kanë mbetur edhe pak ditë nga fillimi i vitit të ri shkollor, Bashkia e Kukësit po punon për të bërë gati infrastrukturën për një proces normal mësimor. Por kjo nuk mund të thuhet për shkollën 9- vjeçare “Avni Rustemi”, ku mësimi do të nisë në kushte të papërshtatshme. Sipas drejtoreshës së këtij institucioni arsimor, Neraida Selmanaj, shkolla ka nevojë për rikonstruksion të plotë.
“Pjesa e soletes së katit të katërt është problematike. Në kohë reshjesh çfarë bie jashtë hyn brenda. Dyert e klasave janë akoma të kohës tashmë të harruar. Terrenet sportive janë po aq emergjente. Janë lënë përgjysëm. Do të krijohen edhe klasat sportive. Do të ketë profelizim të kësaj lënde. Edhe palestra ka nevojë për rikunstruksion dhe të sillet në parametrat normal. Janë disa gjëra që duhet ndërhyrje . Është superemergjente rikonstuksioni i plotë i shkollës”, shprehet Neraida Selmani, drejtoreshë e shkollës 9-vjeçare “Avni Rustemi”.
Prefektit i qarkut Zenel Kuçana , i cili vizitoi shkollen ‘avni rustemi’ për të parë pergatitejett ne prag te vitit te ri shkollor, tha se do merren masat qe mesimi aty te zhvillohet ne kushte nomale.
“Në këto kushte është e vështirë të zhvillohet mësimi.Ne do të marrim masat e nevojshme për të dalur nga kjo gjendje dhe shpresoj që në bashkëpunim me pushtetin vendor dhe Ministrinë e Arsimit, do të bëjmë të mundur që shkolla të kete kushte normale mësimi”, tha Zenel Kuçana, Prefekt i qarkut Kukës.
Shkolla “Avni Rustemi” është hapur për herë të parë në vitin 1974 dhe është më e madhja në qytetin e Kukësit me 760 nxënës. Që nga koha e ndërtimit nuk ka njohur asnjë investim të plotë përveç riparimeve të përvitshme nga Bashkia e Kukësit./Top Channel/
