Presidenti i Turqisë, Recep Tayyip Erdogan deklaroi se po përpiqen të shpëtojnë jetën e çdo të pafajshmi.
“Ne pa asnjë parakusht përpiqemi të shpëtojmë jetën e çdo të pafajshmi, teksa njësitë e rojës bregdetare të vendeve evropiane i shpojnë gomonet e refugjatëve në det dhe i braktisin ata në vdekje”, tha Erdoğan.
Presidenti Erdoğan ka kritikuar dhe OKB-në për situatën në Gutën Lindore. “A ka diçka njerëzore dhe humane në atë që po ndodh në Gutën Lindore?. Në Këshillin e Sigurimit të Kombeve të Bashkuara marren vendime, por çka vlejnë ato. Çfarë rëndësie ka vendimi i cili nuk zbatohet? Ju po mashtroni njerëzimin. Prandaj edhe e përsëris se bota është më e madhe se pesë anëtarët e përhershëm të KS-OKB-së”, tha Erdoğan.
