Presidenti turk, Recep Tayyip Erdogan tha se centrali bërthamor “Akkuyu” është një nga investimet e domosdoshme të Turqisë, duke shtuar se objekti do të ndihmojë vendin të ruajë energjinë.
“Akkuyu”, aktualisht në ndërtim e sipër, në provincën jugore Mersin, do të jetë centrali i parë bërthamor në vend.
Reaktori i parë i “Akkuyus” do të jetë funksional në vitin 2023, ndërsa i gjithë centrali do të funksionojë deri në vitin 2025.
Projekti nisi me një marrëveshje ndërqeveritare të vitit 2010 midis Turqisë dhe Rusisë.
Centrali, që pritet të ketë një kapacitet të instaluar prej 4 800 megavatësh dhe katër reaktorë, do të fillojë të prodhojë energji këtë vit. /
