Përplasja mes Qeverisë dhe Presidencës lidhur me mosdekretimin e Sandër Lleshit si Ministër i Brendshëm, ka shkaktuar debate të forta në emisionin “Opinion”.
Në këtë debat është përfshirë drejtuesi i emisionit, Blendi Fevziu, i cili është ndërprerë disa herë nga deputeti demokrat Flamur Noka.
Situata është acaruar aq shumë, saqë Fevziu ka kërkuar nga regjia që Nokës t’i bllokohet mikrofoni, pasi nuk mund të mbante fjalim parlamentar në emision.
Debati i plotë
Noka: Shumë po i bënë fresk Rilindjes, i ndërpreve fjalën opozitës
Fevziu: Nuk i ndërpreva fjalën opozitës, por Flamur Nokës
Vëre çik mendjen në punë zotëri
Noka: Ty këtu të ka poshtëruar Saimir Tahiri
Fevziu: Ku? Ma thuaj???
Ma nxirr këtu të ma thuash. Pusho. Këtu rregullat i vendos unë
Noka: I ke hequr fjalën opozitës
Fevziu: Ti këtu nuk mban dot fjalim. Ti mos të kishe aleancë shtypin sot, do ishe zi e më zi
More vesh apo jo, mua s’ ma mbyll dot gojën, as ti, as ndonjë tjetër
Rri mos të flas për mesazhet që i çoni qeverisë
Noka: Cilat mesazhe?
Fevziu: Rri mos të flas për mesazhet që i çonit Fatmir Xhafajt
Ti nuk guxon të më përmendësh fjalën fresk mua
Noka: Vazhdo, vazhdo. TD.
/Kosova Post/
