Ministria e Shëndetësisë e Republikës Federale të Gjermanisë i ka dorëzuar sot dhuron sot IKSHPK-së 6 mijë RT-PCR teste për diagnozë laboratorike të COVID -19, shkruan IndeksOnline.
Në këtë ceremoni morën pjesë Ministri i Shëndetësisë Armend Zemaj dhe Ambasadori i RF të Gjermanisë në Kosovë, Christian Heldt.
Me këtë rast, Zemaj ka falënderuar Gjermaninë për ndihmën e domosdoshme në këto kohë të vështira që po kalon Kosova.
Zemaj tha se kjo ndihmë do të ndikoj në rritjen e numrit të të testuarve për Covid-19.
“Shumë faliminderit ndaj tatuesve gjermanë. Me të vërtet këto ditë nevojat kanë qenë në rritje dhe është e domosdoshme kjo ndihmë, qoftë në donacione apo në forma të tjera.
Kjo ndihmë është më se e nevojshme edhe për rritjen e kapaciteteve dhe rritet numri i testimeve në Kosovë ku do të arrijnë edhe efektin e duhur edhe për shfrytëzimin racional pasi numri çdo ditë po është në rritje. Ne kemi një gjendje normale të furnizimit edhe të menaxhimit me Covid-19”, tha ai.
Ky është donacion i Gjermanisë për Kosovën për të ndihmuar në përgjigjen ndaj pandemisë COVID- 19.