Një gjykatë e Moskës shpalli fajtor për spiunazh një burrë norvegjez, duke e dënuar me 14 vjet pas hekurave në një burg të sigurisë së lartë.
Inspektori kufitar norvegjez në pension, Frode Berg, u arrestua në Moskë në dhjetor të vitit 2017. Ai u akuzua për mbledhjen e informacioneve mbi nëndetëset bërthamore ruse për inteligjencën norvegjeze.
Ai ka mohuar akuzat dhe avokati i tij e ka quajtur viktimë të një montimi.
I pyetur për një falje të mundshme për Berg, presidenti rus Vladimir Putin javën e kaluar tha se do të priste vendimin.
