Gjykata ka vendosur të hetojë në gjendje të lirë avokatin Avokati Gjergj Neli, i arrestuar pasditen e së martës nga Policia e Lezhës për kundërshtim dhe dhunë ndaj uniformave blu.
Gjykata e Shkalles së parë në Lezhë ka vendosur masën e sigurisë detyrim paraqitje ndaj 68-vjeçarit.
Seanca gjyqësore për caktimin e mases së sigurisë u zhvillua në ambientet e spitalit ku po merr mjekim avokati Neli, i cili u dërgua pak orë pas arrestimit për shkak të gjendjes së rënduar shëndetësore, pasi ka shfaqur probleme me zemren.
Gjendja e tij shëndetësore ka detyruar prokurorin Erjon Shehaj të kërkoi që ai të hetohet në gjendje të lirë për vepren penale “Kundërshtimi me dhunë i punonjësit të rendit publik”, kërkesë e cila u pranua nga gjyqtari Artan Hajredinaj.
Referuar veprimeve hetimore dhe aktit të ekspertimit thuhet se avokati Gjergj Neli ka kundërshtuar dhe goditur njërin nga efektivet e policisë të cilët kishin shkuar për të ndërhyre pas njoftimit që kishte mbërritur në sallen operative për një konflikt mes avokatit dhe bashkëshortes së tij me një përson tjeter.
