Kryeministri Ramush Haradinaj, në kabinetin e tij takoi shefin e shtabit të KFOR-it, në Kosovë, John C.Boyd, të cilit i ndau mirënjohje për dhënie të kontributit në Kosovë.
Haradinaj e bëri këtë të ditur përmes Facebook, ku ka thënë se populli ynë të jetë përjetë mirënjohës për kontributin e madh që ushtria dhe populli amerikan kanë dhënë dhe po japin për vendin.
“Takim lamtumirës me Gjeneral Brigade John C. Boyd, shef i shtabit të KFOR-it në Kosovë. Populli ynë do të jetë përjetë mirënjohës për kontributin e madh që ushtria dhe populli amerikan kanë dhënë dhe po japin për vendin”.
“Për rolin e tij konstruktiv në shërbimin të paqes dhe bashkëpunimin profesional gjatë shërbimit në Kosovë, Gjeneralin Boyd e nderova me Hartën e Artë të Kosovës”, ka shkruar Haradinaj në Facebook.
