Përbërësit:
- 250 gr grurë
- 2 litra ujë
- 100 gr sheqer
- 1 majë luge kripë
- 2 lugë gjelle niseshte
- 2 lugë gjelle arra
- 1 lugë gjelle lajthi
- 1 lugë gjelle bajame
- 1–2 lugë gjelle rrush i thatë
- 3–4 fiq të thatë
- 2 lugë çaji kanellë
- 1 lugë kafe karafil
- 1/2 shegë
Përgatitja:
Lajmë grurin dhe e vendosim të ziejë në ujë derisa kokrrat të zbuten mirë dhe të shpërthejnë. Pasi gruri të jetë zier, shtojmë sheqerin, pak kripë, rrushin e thatë që e kemi zbutur më parë në ujë, fiqtë e thatë të prerë hollë, karafilin, lajthitë, bajamet dhe arrat e thërrmuara. E lëmë masën të trashet dhe shtojmë edhe niseshtenë e tretur me pak ujë. Kur të marrë trashësinë e duhur, e heqim nga zjarri. Në fund e zbukurojmë sipër me fruta të thata, kokrra shege dhe kanellë. E lëmë të ftohet në frigorifer dhe e shërbejmë të ftohtë.
