Duket si një llavë e nxehtë që rrjedh anës së një shkëmbi, por në fakt nuk është një akvititet vullkanik.
Fenomeni i rrallë ndodh në Parkun Kombëtar Yosemite në Kaliforni dhe quhet “rënia e zjarrit”.Ky fenomen ndodh në ujvarën “Horsetail”, e cila rrjedh mbi skajin lindor të El Capitan në Luginën Yosemite.
Gjatë disa ditëve nga mesi deri në fund të Shkurtit, perëndimi i diellit reflekton mbi ujëvarë duke krijuar një nuancë në rozë dhe portokalli, dhe bën që uji të duket si llava e një vullkani, sipas CNN. Efekti ndodh vetëm në mbrëmje me një qiell të pastër. Mijëra njerëz dynden drejt parkut për të parë këtë pamje spektakolare.
