Lidhur me deklarimin e kryeministrit Ramush Haradinaj se Qeveria e Isa Mustafës ka pasur më shumë zëvendësministra sesa qeveria që ai drejton, përmes një postimi në Facebook, ka reaguar ish- ministri, deputeti i LDK-së, Avdullah Hoti.
Shefi i Grupit Parlamentar të LDK-së i ka quajtur të pavërteta deklarimet e Haradinajt.
Ky është postimi i plotë:
Për saktësi: Në Qeverinë Mustafa ka pasur 47 zv/ministra. Ndoshta kanë qenë shumë në disa raste.
Por, tash janë afër 70. Kjo është e vërteta.
Deklarimet në Kuvend të anëtarëve të qeverisë janë të pavërteta.
Kërkoni qasje ne dokumente dhe vërtetojeni. Mund të jenë emëruar gjatë gjithë mandatit të Qeverisë më shumë zv/ministra, por kanë shkuar disa dhe kanë ardhur të tjerë./Kosova Post/
