Abdullah Klinaku, ish-nënkryetar i Partisë së Drejtësisë, përmes një statusi në Facebook ka mbështetur protestën e Lëvizjes Vetëvendosje si shprehje e zërit dhe guximit qytetar.
Ai përmes një statusi, e ka konsideruar protestën si realizim i drejtpërdrejtë të demokracisë në rastin kur pushteti humb përgjegjësinë që e ka marr nga vota qytetare.
Në vijim ai shkruan:
“Kur populli del me zâ t’vetin!
Demokracia realizohet përmes përfaqësuesve të zgjedhur të popullit. Ata e kanë obligim me punua për interesin dhe të mirën e tij!
E kur të zgjedhurit e humbin rrugën dhe nuk e kryejnë premtimin, atëherë populli kërkon realizimin e drejtpërdrejt të demokracisë!
Pra, kur kuvendi s’ka zâ, qeveria s’ka vesh e presidenti s’ka guxim, atëherë;
Populli del n’shesh, ka zâ, ka guxim dhe i bënë të tjerët të dëgjojnë!
/Kosova Post/