Se për çka është fjala, përse Fatmir Sejdiu u anëtarësua në këtë klub, dhe si ja doli Turqia ta mund mbase edhe Rusinë me investime në Malt të Zi, mund të mësoni në shkrimin më poshtë. KosovaPost ka mësuar se në kryeqytetin e Malit të Zi është formuar i ashtuquajturi “Klubi i Podgoricës” një trup joformal i përbërë nga ish-presidentë dhe kryeministra të vendeve te rajonit.
KosovaPost gjithashtu ka mësuar se ky klub ka për qëllim ti japë shtytje zhvillimit të marrëdhënieve të fqinjësisë së mirë dhe bashkëpunimit rajonal , si dhe bashkëpunimit të ndërsjellët. Ish-presidentët dhe kryeministrat u priten nga Presidenti Millo Gjukanoviq dhe kryeministri i vendit Dushko Markoviq.
Shefi i Qeverisë i shprehu përkrahjen e ekzekutivit këtij trupi në aktivitetet e mëtutjeshme, siç tha në promovimin e perspektives rajonale , respektivisht integrimit Evropian si dhe ne afirmimin e politikes se fqinjësisë se mire.
Po ashtu Kryeministri Dushko Markoviq citohet të ketë thënë qe Projekti “Klubi i Podgoricës” është një projekt i mirë që i nevojitet rajonit tonë si ide dhe vizion që mundet edhe më tej të na tubojë bashkë. Markoviq po ashtu i ka shprehur falënderime anëtareve të klubit të porsaformuar të Podgoricës për siç tha ndihmën që i kanë ofruar
Malit të Zi gjatë procesit të ripërtëritjes së pavarësisë dhe integrimeve euroatlantike. Në takim me Kryeministrin e Malit te Zi ishin Filip Vujanoviq, ish-President i Malit të Zi, Ish presidenti i Maqedonisë Branko Cërvenkovski, ai i Republikës së Sllovenisë Danilo Tirk, ish kryeministri i qeverisë së Republikës se Serbisë Mirko Cvetković dhe Republikës së Kroacisë Jadranka Kosor si dhe ish-udhëheqësi i këshillit të Ministrave të Bosnjë-Hercegovines, Zlatko Lagumxhija.
Kryeministri i Malit të Zi Dushko Markoviq ka thënë se “Klubin e Podgoricës” e përbejnë dhe ish-presidenti slloven Milan Kučan, ai i republikës se Kroacisë Stjepan Mesić dhe Republikës së Kosovës Fatmir Sejdiu, si dhe ish-kryeministri i Maqedonisë Hari Kostov dhe ish-kryetarja e parlamentit të Serbisë Nataša Mićić. /Kosova Post/
