Ministri i Shëndetësisë (MSh), Uran Ismaili, ka thënë se reforma në shëndetësi nuk ndërlidhet me nënshkrimin e dokumenteve dhe lënien e tyre në sirtarët e institucioneve.
“Reforma ime në shëndetësi nuk do të lidhet me nënshkrimin e dokumenteve, të rrahim shuplaka në Kuvend dhe t’i lëmë ato në rafte. Reformat që kam nisur do të kenë në qendër qytetarin dhe ofrimin e shërbimeve meritore për ta”, ka shkruar Ismaili në llogarinë e vet në “Facebook” duke e bashkangjitur edhe një video nga fjalimi i tij në Kuvendin e Kosovës./Kosova Post/
