Jetlir Zyberaj, Këshilltari i Zv/kryeministrit të jashtëm Behgjet Pacolli, ka thënë se ka tendenca për të komprometuar aktakzuën kundër veteranëve të pavërtetë.
Përmes një reagimi në facebook Zyberaj ka theksuar se futja e disa veteranëve të vërtetë në listat me mijëra mashtrues është bërë për ta paraqitur atë joserioze.
“Absolutisht e qartë tendenca për të komprometuar aktakuzën kundër veteranëve të rrejshëm që ndotin vlerat e luftës së UCK-së dhe dëmtojnë buxhetin e shtetit.
E dukshme dhe e qartë futja e disa veteranëve të vërtetë në listat me mijëra mashtrues për të prezentuar gjoja aktakuzën joserioze. Lufta kundër krimit të organizuar dhe korrupsionit e shpërfaqur në procesin e verifikimit të veteranëve duhet të intensifikohet nga drejtësia vendore dhe ajo ndërkombëtare.
Lufta e lavdishme e UCK-së do ta ketë vendin e merituar në histori”./Kosova Post/
