Djathërat e vjetra si cheddar, brie dhe parmezani mund ta zgjasin jetën dhe ta parandalojnë sëmurjen nga kanceri i mëlçisë, sipas një studimi të ri.
Studimi i Universitetit A & M zbuloi se këto djathëra e përmbajnë një komponent të njohur si spermidinë, e cila e pengon replikimin e qelizave të dëmtuara të mëlçisë dhe e ka aftësinë ta parandalojë fibrozën, akumulimin e indeve që ndodh në shumicën e sëmundjeve të organeve dhe karcinomën hepatoqelizore, e cila është forma më e shpeshtë e kancerit të mëlçisë.
Pas testimit në minj gjatë ciklit të tyre jetësor, studiuesit zbuluan se jeta e tyre u zgjat për madje 25 për qind, transmeton Koha.net. Sikur spermidina të vepronte kështu edhe në njerëz, jetëgjatësia e njeriut nga një mesatare prej 81 vjetësh do të zgjatej në 100 vjet.
Shkencëtarët kanë konstatuar se konsumi i rregullt i ushqimeve si kërpudhat, soja, bishtajoret dhe drithërat mund ta kenë të njëjtin efekt.
