Një 43-vjeçar shqiptar ka rënë në prangat e policisë greke, pasi u kap me drogë dhe armë në banesë.
Mediat greke raportojnë se rasti në fjalë është regjistruar në Nea Filothei të Athinës.
Gjatë kontrollit të ushtruar në banesën e shqiptarit, identiteti i të cilit nuk dihet, janë gjetur 2.1 kg marijuanë, 55 gram kokainë, 760 kapsula narkotike, 1 kallashnikov, 2 pistoleta, 4850 euro si dhe 2 peshore.
Policia po vijon hetimet për dokumentimin e plotë të këtij rasti si dhe zbulimit nëse shqiptari vepronte i vetëm apo jo.