Rusia gjatë 24 orëve të fundit ka regjistruar një numër rekord të rasteve të koronavirusit të ri (COVID-19).
Sipas Ministrisë së Shëndetësisë, gjatë ditës së fundit u regjistruan 24.318 raste të reja me COVID-19, duke e çuar në mbi 2,03 milionë numrin e përgjithshëm të të infektuarve me këtë virus.
Pavarësisht rritjes së përditshme të infeksioneve, rasteve aktive shënuan rënie për të katër ditë me radhë, duke arritur në 453.201. Rusia po ashtu regjistroi 461 vdekje të reja nga COVID-19, duke tejkaluar 35 mijë vdekje që nga shpërthimi i pandemisë.
Gjatë 24 orëve të fundit po ashtu u regjistruan 24.758 pacientë të shëruar nga virusi, ndërsa gjithsej deri më tani janë shëruar mbi 1,55 milionë pacientë. Sa i përket numrit të rasteve të konfirmuara me COVID-19, Rusia renditet e pesta në botë pas SHBA-ve, Indisë, Brazilit dhe Francës.
