Komisioni Hetimor për të dhënat e sistemit TIMS është rimbledhur këtë të hënë.
Në fjalën e mbajtur në mbledhjen e komisionit, nënkryetari i komisionit, Toni Gogu rikonfirmoi qëndrimin e mazhorancës për të kryer një hetim të plotë konform ligjit e larg retorikës politike.
“Për të treguar vullnetin tonë të palëkundur për të hetuar, kursyem retorikat politike dhe gjithë kohën e vumë në dispozicion të veprimeve procedurale. Kaq ishte e gjitha, Ervin”, deklaroi Gogu, duke iu drejtuar kreut të komisionit Ervin Salianji.
Në mbledhjen e sotme anëtarët e komisionit ranë dakord të miratojnë kërkesat e ekspertëve për të mbledhur informacion në mënyrë që më pas të vijohet me planin hetimor.