Sot, komiteti qendror i OBRM-PDUKM-së do të mbajë seancë në të cilën do të shqyrtohet vendimi mbi kongresin e jashtëzakonshëm që pritet të mbahet në Vallandovë më 23 dhjetor, e në të cilin do të vërtetohet dorëheqja e Nikolla Gruevskit e me këtë rast do të zgjidhet edhe kryetari i ri i partisë.
Pritet që Gruevski të arsyetojë dorëheqjen para anëtarëve të komitetit qendror të cilin e ka lajmëruar më 1 dhjetor në intervistën e tij të fundit, ndërkohë që nëse pranohet dorëheqja prej 130 anëtarëve të komitetit qendrorë në këtë rast do të ketë dhe kongres të jashtëzakonshëm.
I pari që ka shprehur ambiciet e tij për të qenë në krye të partisë është ish-drejtor i arkivit shtetëror, Filip Petrovski, i cili ka thënë se pas konsultimit me familjen dhe anëtarësinë e partisë ka vendosur që të kandidohet për të pozitën e kryetarit të partisë.
Emrat tjerë që mund të kandidohen për kreun e OBRM-PDUKM-së janë Nikolla Poposki, Nikolla Todorov, Antonio Milloshoski, Hristijan Mickovski dhe Vlatko Gjorçev./Telegrafi/
